ԱՀԿ-ն պատմել է կորոնավիրուսի դեմ Sputnik V պատվաստանյութի ճանաչման հետ կապված իրավիճակի մասին

Առողջապահության համաշխարհային կազմակերպության (ԱՀԿ) փորձագետները շարունակում են գնահատել ռուսական Sputnik V պատվաստանյութի տեխնիկական դոսյեն և սպասում լրացուցիչ տեղեկությունների։ Այս մասին հայտնել է ԱՀԿ պաշտոնական ներկայացուցիչ Մարգարեթ Հարիսը։

«Մենք դեռ գնահատում ենք Sputnik V պատվաստանյութի տեխնիկական դոսյեն և սպասում ենք լրացուցիչ տեղեկությունների։ Գործընթացը շարունակվում է»,- ասել է նա RT-ին տված հարցազրույցում։

Հարիսը նաև պարզաբանել է, որ կազմակերպությունը գրանցել է ոչ միայն արևմտյան արտադրության կորոնավիրուսային պատվաստանյութեր։

«Իրականում մենք նաև լիցենզավորել ենք պատվաստանյութեր Չինաստանից և Հնդկաստանից։ Որոշ երկրների պատվաստանյութերի համար, այդ թվում` այսպես ասած, ավանդական Արևմուտքի, այս գործընթացը երկար է տևում»,- հավելել է նա։

Ավելի վաղ ԱՀԿ-ն հայտնել էր, որ ռուսական Sputnik V պատվաստանյութը կարող է հաստատվել 2022 թվականի առաջին եռամսյակում։