Հովիկ Աղազարյանն առաջարկում է խանութից առանց ՀԴՄ դուրս եկող քաղաքացու նկատմամբ վարչարարություն կիրառել

Ազգային ժողովի «Քաղաքացիական պայմանագիր» խմբակցության պատգամավոր Հովիկ Աղազարյանը Պետական եկամուտների կոմիտեի նախագահ Ռուստամ Բադասյանից հետաքրքրվեց՝ կարելի՞ է որոշում ընդունել, որ եթե քաղաքացին առևտրի կենտրոնից, խանութից դուրս է գալիս ու այդ պահին չունի ՀԴՄ, նրա նկատմամբ վարչարարություն կիրառվի։

Ռուստամ Բադասյանը պատասխանեց, թե հնարավոր է նման բան, եթե իրենց բյուջեն 100 անգամ ավելի շատ լինի։

«Այսինքն՝ այսպիսի վարչարարություն իրականացնելը ենթադրում է, որ ՊԵԿ-ը մոտ 100 հազար աշխատող պետք է ունենա, որ անի։ Հարց է առաջանում՝ առհասարակ, դա արդյունավե՞տ է, թե՞ չէ», - նշեց ՊԵԿ նախագահը: 

Նա ասաց, որ դեպք է եղել, որ իրեն էլ ՀԴՄ կտրոն չեն տրամադրել։

«Շատ ակներև է, որ կա ստվեր, կան մեծ թվով վարչարարական խնդիրներ, բայց դա չի նշանակում, որ աճ չի գրանցվում», - նշեց Բադասյանը։