Անկարան պատրաստ է խորացնել Դուշանբեի հետ համագործակցությունը պաշտպանության ոլորտում. Թուրքիայի ՊՆ

Անկարան պատրաստ է խորացնել Դուշանբեի հետ համագործակցությունը պաշտպանության, անվտանգության և պաշտպանական արդյունաբերության ոլորտում: Այս մասին Դուշանբեում իր տաջիկ գործընկեր Շերալի Միրզոյի հետ բանակցությունների մեկնարկից առաջ հայտարարել է Թուրքիայի ՊՆ ղեկավար Հուլուսի Աքարը:

Աքարը հայտարարել է նաև Տաջիկստանի հետ սահմանի անվտանգության ապահովման և ահաբեկչության դեմ պայքարի իր փորձը կիսելու՝ Թուրքիայի պատրաստակամության մասին:

Թուրքիայի ռազմական գերատեսչության ղեկավարը համոզմունք է հայտնել, որ թուրք-տաջիկական հարաբերությունները կշարունակեն զարգանալ դրական եղանակով:

Հուլուսի Աքարը նաև շեշտել է FETÖ ահաբեկչական կազմակերպության դեմ պայքարում երկու երկրների միջև գոյություն ունեցող կառուցողական համագործակցությունը:

Նրա խոսքով՝ եղբայրական Տաջիկստանը Թուրքիայի կարևոր գործընկերն է Կենտրոնական Ասիայում: Աքարը հիշեցրել է, որ երկու երկրները կապված են պատմական, մշակութային և կրոնական ամուր կապերով: