Ռուսաստանն ու Բելառուսը համատեղ զորավարժություններ կանցկացնեն

Ռուսաստանը և Բելառուսը հունիս-սեպտեմբեր ամիսներին երեք համատեղ զորավարժություններ կանցկացնեն Բելառուսի տարածքում: Այս մասին հայտարարել է ՌԴ Արևմտյան ռազմական օկրուգի հրամանատար, Ռուսաստանի հերոս, գեներալ-գնդապետ Ալեքսանդր Ժուրավլյովը. հայտնում է «Կրասնայա զվեզդա» թերթը:

Նրա խոսքով՝ հատուկ ուշադրություն է դարձվելու ռադիացիոն-քիմիական-կենսաբանական պաշտպանության զորքերի, ինժեներական զորքերի, նյութատեխնիկական ապահովման և ռազմական ոստիկանության ստորաբաժանումների կողմից խնդիրների համատեղ լուծմանը:

«Ամառային ուսումնական շրջանի մեկնարկով մենք ձեռնամուխ ենք եղել «Զապադ-2021» համատեղ ռազմավարական զորավարժություններին նախապատրաստվելու հիմնական փուլին: Դրանից առաջ անցկացվել են շտաբի մի շարք բանակցություններ, հրամանատարաշտաբային դասընթացներ՝ տարբեր մակարդակի շտաբերի օպերատիվ խմբերի ներգրավմամբ», - ասել է Արևմտյան ռազմական շրջանի հրամանատարը: