Իրավիճակը Սյունիքում սկսել է կայունանալ. WarGonzo

Ռուս սահմանապահները վերահսկողության տակ են պահում իրավիճակը Սյունիքի մարզում. հայտնում են Սյունիքի ուժային կառույցներում Wargonzo-ի աղբյուրները:

«Նաև, մեր տվյալների համաձայն, իրավիճակը Սև լճի տարածքում սկսել է կայունանալ: Բաքվի սադրանքն իսկապես տեղի է ունեցել, բայց ռուս բանակցողների փաստարկներն ազդեցություն ունեցան, և ադրբեջանական զինուժը կասեցրել է նոր դիրքերի տեղակայումը:

Նշենք նաև, որ սա ադրբեջանական կողմից նոր դիրքեր տեղակայելու կամ դիրքեր տեղափոխելու առաջին փորձը չէ, այդ թվում`ռուս խաղաղապահների պատասխանատվության գոտում: Այնուամենայնիվ, մեր սպաները զբաղվում են յուրաքանչյուր առանձին դեպքով՝ ճնշելով սադրիչ գործողությունները:

102-րդ հենակետի զինծառայողներից ու խաղաղապահներից բացի, Սյունիքի մարզում տեղակայված են ռուս սահմանապահ զորամասեր: Նրանք նաև վերահսկում են Սև լճի շուրջ ստեղծված իրավիճակը»,– գրում է Wargonzo-ն իր թելեգրամյան ալիքում։