Կազանի դպրոցում կրակոցներից զոհվածների թիվը հասել է 9-ի

Կազանի դպրոցներից մեկում տեղի ունեցած կրակոցների հետևանքով զոհերի թիվը հասել է 9-ի. ասել է Թաթարստանի ղեկավար Ռուստամ Միննիխանովը: «Մենք կորցրել ենք յոթ երեխա. նրանք ութերորդ դասարանցիներ էին՝ չորս տղա և երեք աղջիկ: Բացի այդ՝ մենք կորցրել ենք մեկ ուսուցչի և մեկ այլ կին աշխատողի»,- ասել է հանրապետության նախագահը:

Ըստ Միննիխանովի՝ 18 աշակերտ այժմ գտնվում է երեխաների կլինիկական հիվանդանոցում՝ «հրազենային վնասվածքներով և կոտրվածքներով, կապտուկներով»:

«Երկու մեծահասակ գտնվում է յոթերորդ հիվանդանոցում, իսկ մեկը՝ հանրապետական կլինիկական հիվանդանոցում: Նրանք ունեն նաև հրազենային վնասվածքներ»,- հավելել է նա:

Ավելի վաղ Թաթարստանի նախագահի մամուլի ծառայության ղեկավար Լիլիա Գալիմովան լրագրողներին հայտնել էր, որ վիրավորները կստանան 200-ից 400 հազար ռուբլի, զոհվածների ընտանիքները՝ յուրաքանչյուրը մեկ միլիոն ռուբլի:

Երեքշաբթի Կազանում 19-ամյա ուսանողը կրակ է բացել Ջաուդատա Ֆայզի փողոցում գտնվող ուսումնական հաստատության վրա. 21 մարդ վիրավորվել է: Հարձակվողը բերման է ենթարկվել: Պարզվել է, որ նրա զենքը պաշտոնապես գրանցված է։