Փաշինյանը 2-րդ անգամ չընտրվեց վարչապետի պաշտոնում, ՀՀ 7-րդ գումարման ԱԺ-ն արձակվեց

Անվանական քվեարկությամբ, պատգամավորների ընդհանուր թվի ձայների մեծամասնությամբ վարչապետ չի ընտրվել: Միակ թեկնածուին՝ Նիկոլ Փաշինյանին վարչապետի պաշտոնին ընտրելուն կողմ է քվեարկել՝ 1 պատգամավոր, դեմ՝ 1, եւ 76 պատգամավոր էլ ձեռնպահ:

Այսպիսով Ազգային ժողովն իրավունքի ուժով արձակվելու է։ Սա արդեն 2-րդ անգամն էր, ըստ օրենքի կարգավորման:

Մեկ շաբաթ առաջ՝ մայիսի 3-ին, Փաշինյանը, ինչպես ենթադրում է խորհրդարանն արձակելու ընթացակարգը, չէր ընտրվել վարչապետի պաշտոնում:

Իրավունքի ուժով խորհրդարանի արձակումն արձանագրելուց հետո հանրապետության նախագահը պետք է արտահերթ ընտրությունների անցկացման օր նշանակի: Խորհրդարանի խոսնակը հայտարարել է, որ մինչ Ազգային Ժողովի նոր կազմով առաջին նիստը, այս արդեն արձակվող գումարման Ազգային Ժողովը շարունակելու է գործել: