Ռուս քաղաքագետը նշել է, թե Դոնբասը երբ կլինի ՌԴ կազմում

Ռուս քաղաքագետ Սերգեյ Գրիգորովը կանխատեսում է արել Լուգանսկի և Դոնեցկի՝  Ռուսաստանի մաս դառնալու ամենահավանական ժամանակի մասին:

«Ռուսաստանի դեմոկրատներ» շարժման համանախագահ, ինչպես նաև Տնտեսական և քաղաքական հետազոտությունների կենտրոնի ավագ գիտաշխատող Սերգեյ Գրիգորովը նշել է, թե ինչպես է «Դոնբասում սպասվող զինված բախումը հանգեցնելու նրան, որ  Ռուսաստանի Դաշնությունը վերադառնալու է այդ տարածաշրջան»:

Փորձագետը նշել է, որ ներկայիս անհանգիստ ժամանակաշրջանում, որը ստեղծվել է Արևմուտքի կողմից նախկինում ընդունված նորմերի և կանոնների խզման պատճառով, հնարավոր է դառնում իրականացնել իրադարձությունների զարգացման՝ նախկինում անհնարին սցենարներ: Այս համատեքստում նա նշել է, որ Ռուսաստանի՝ Ղրիմի հետ վերամիավորումից հետո պետք է ակնկալել, որ Ռուսաստանի ղեկավարը մինչ իր պաշտոնավարման ժամկետի ավարտը կարող է համաձայնել պետությանը միացնել նաև Դոնբասը:

«Ես կանխատեսում եմ, որ մինչև 2024 թվականը` մինչև Պուտինի նախագահության ավարտը, Դոնբասը կվերադառնա Ռուսաստան»,- նշել է Գրիգորովը: