Այս պահին Երևանում sett-weather
Փոխարժեքներ 25 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 3 տարի առաջ - 2021-03-27 13:37
Հասարակություն

1920 թ. այս օրը Արշավիր Շիրակյանը գնդակահարել է դավաճան Վահե Իհսանին (Եսայան)

1920 թ. այս օրը Արշավիր Շիրակյանը գնդակահարել է դավաճան Վահե Իհսանին (Եսայան)
ՀՅԴ Շիրակի Մարզային կոմիտեի ներկայացուցիչ Մհեր Մելքոնյանը գրում է.
 
«Հայ Յեղափոխական Դաշնակցությունն ազգային արժեք է։
 
Այսօր, երբ վերլուծում ես կուսակցության 131 տարվա անցած պատմական ճանապարհը, ակնհայտ է դառնում նրա լուրջ դերակատարությունն ու ավանդն ազգի համար ամենաճակատագրական պահերին` Հայկական հարցի լուծման փորձություններից մինչեւ արցախյան ազգային-ազատագրական պայքար։
 
131 տարիների ընթացքում Դաշնակցությունը գործել և պայքարել է, այլ ոչ թե խոսել։ Գործել և պայքարել է ամեն օր, ամեն ժամ եւ ամեն վայրկյան։
 
Անժխտելի է Դաշնակցության դերակատարությունը Հայաստանի Առաջին հանրապետության կազմավորման գործում:
 
Խորհրդային ժամանակաշրջանում Դաշնակցությունն էր, որ իր ուսերին վերցրեց Սփյուռքում հայապահպանման ծանր բեռը։
 
Այսօր էլ թե՛ հայրենիքում և թե՛ Սփյուռքում Դաշնակցությունը շարունակում է ազգապահպանության մեծագույն առաքելությունը:
Արցախում ՀՅԴ-ն առաջիններից մեկն էր, որ ստանձնեց ազատագրական պայքարը կազմակերպելու պատասխանատվությունը:
Դաշնակցությունը միշտ էլ ազգային-ազատագրական պայքարի մեջ է եղել. այսօր էլ նա լծված է պետականաշինության վեհ գործին: Ես վստահ եմ, որ մի օր հասնելու ենք մեր վերջնական նպատակին՝ Ազատ,Անկախ և Միացյալ Հայաստանին։
 
Դաշնակցությունը շատ անելիք ունի, անելիք ունի և՛ այսօր, և՛ վաղը։ Մերօրյա` ազգային արժեքների մոռացման, համաշխարհայնացման պայմաններում աշխուժացել են տարբեր անհատներ, կազմակերպություններ, որոնք նորից ու նորից փորձում են վարկաբեկել, պայքարել Դաշնակցության դեմ։
 
Տարբեր ժամանակաշրջաններում դաշնակցության դեմ են պայքարել թուրքերը, ադրբեջանցիները, բոլշևիկները և շատ ու
շատ հայտնի հակահայ ուժերը։ Դաշնակցության միայն անունը սարսափ է առաջացրել այդ բոլոր ուժերի մոտ։ Ո՞ւր են հիմա այդ բոլոր հակադաշնակցական ուժերը։
 
Հայ Յեղափոխական Դաշնակցությունը եղել է, կա և կլինի։
 
Հիմա էլ ականատես ենք, թե ինչ էժանագին, անբարոյական, անհիմն մեթոդներով են փորձում պայքարել կուսակցության դեմ։
 
Պարոնա՛յք, եթե ընտրել եք այդ ուղին, Դաշնակցության դեմ փորձեք պայքարել տղամարդուն վայել։
 
Այսօր մարտի 27-ն է։ 1920 թվականի այս օրը դաշնակցական Արշավիր Շիրակյանը գնդակահարել է դավաճան Վահե Իհսանին (Եսայան)։ Իհսանը թուրքերի համար կազմել էր Կոստանդնուպոլսի հայ մտավորականների ցուցակ, ովքեր սպանվեցին 1915 թվականին»։

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը