Լիբանանում նավթի պահուստարանում հայտնաբերել են վտանգավոր ռադիոակտիվ նյութեր

Combilift ընկերությունը Լիբանանի իշխանություններին հաշվետվություն է ներկայացրել Լիբանանի հարավում Ազ Զահրանի նավթի պահուստարանի տարածքում վտանգավոր ռադիոքիմիական նյութերի առկայության մասին, որոնք սպառնալիք են ներկայացնում, հայտարարել է երկրի վարչապետի պաշտոնակատար Հասան Դիյաբը անվտանգության բարձրագույն խորհրդի ժողովին, փոխանցում է «ՌԻԱ Նովոստի»-ն:

«Նոր գործ կա, որը նույնպես սպառնալիք է ներկայացնում: Խոսքը Combilift ընկերության զեկույցի մասին է, որում նշված է Ազ Զահրանիի նավթի պահուստարանի պահեստում գտնվող վտանգավոր քիմիական նյութերի մասին: Ատոմային էներգետիկայի լիբանանցի փորձագետների հանձնաժողովի ստուգումից հետո հաստատվել է, որ այդ նյութերը բարձր գործակցով ռադիոակտիվ նյութեր են»,- Դիյաբի խոսքն է մեջբերել նախագահական պալատի մամուլի ծառայությունը, որտեղ ընթացել է ժողովը:

Վարչապետի պաշտոնակատարի խոսքով՝ իրեն փոխանցված ընդհանուր անվտանգության ծառայության զեկույցի համաձայն՝ հայտնաբերված նյութերը իրական սպառնալիք են կրում: