ՈՒՂԻՂ. Ծերատանը չեն դադարեցնում հացադուլը. նախկին տնօրենն այստեղ է

«Երեւանի թիվ 1 տուն-ինտերնատ» ծերանոցում բողոքի ակցիան շարունակվում է նաև այսօր։

Աշխատանքի և սոցիալական հարցերի նախարարի՝ ծերատան երկարամյա տնօրեն Վահան Զուրաբյանին աշխատանքից ազատելու մասին որոշումը դժգոհության մեծ ալիք է բարձրացրել։

Խնամյալները մտահոգիչ լուրեր են լսել, որ Կառավարությունը գաղտնի շրջանառության մեջ է դրել տուն-ինտերնատների միավորման խայտառակ մի նախագիծ, որով «Երեվանի թիվ 1 տուն-ինտերնատը» և «Նորքի տուն-ինտերնատը» միացվում են իրար։ Նրանք լսել են, որ Նորքում գտնվող շենքը վաճառվելու է, իսկ այնտեղի ծերերը տեղափոխվելու են իրենց հաստատություն, որն առանց այդ էլ գերբեռնված է։

Հիշեցնենք՝ «Երեվանի թիվ 1 տուն-ինտերնատի» խնամյալները բողոքի ակցիա էին իրականացրել  նաև երեկ:

«Երեվանի թիվ 1 տուն-ինտերնատում» այսօր տեղի ունեցող իրադարձություններին հետևեք Yerkir.am-ի ուղիղ հեռարձակմամբ: