Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Երուսաղեմի, Թել Ավիվի և Կեսարիայի հազարավոր ցուցարարներ հերթական անգամ փողոց են դուրս եկել՝ պահանջելով վարչապետ Բինյամին Նեթանյահուի հրաժարականը:
Երուսաղեմում Նեթանյահուի նստավայրի մոտ անցկացվող ցույցը վերաճել է բախումների վարչապետի կողմնակիցների և հակառակորդների միջև. հայտնում է թուրքական Anadolu-ն:
Թել Ավիվում և Կեսարիայում բողոքողները Նեթանյահուին և կառավարությանն ուղղված՝ «Նեթանյահու, դու պարտվել ես», «Նեթանյահու, գնա արդեն» վանկարկումներ են արել և պաստառներ պարզել։
Իսրայելում մարտի 23-ին տեղի կունենան ընդհանուր ընտրություններ: Երկրում բողոքի ակցիաները շարունակվում են 37 շաբաթ, երբեմն դրանք կազմակերպվում են շաբաթը երկու անգամ: Բողոքի ցույցերի պատճառները Նեթանյահուի դեմ ներկայացված կոռուպցիայի մեղադրանքներն են, ինչպես նաև բնակչության դժգոհությունը COVID-19 համաճարակի և դրա հետ կապված սահմանափակումների դեմ պայքարի՝ կառավարության միջոցներից: