ՏԵՍԱՆՅՈՒԹ․ Մարդկանց ստիպողաբար են տանում Փաշինյանի հետևից, կոչ ենք անում բոլորին միանալ մեզ․ Գերասիմ Վարդանյան

Փողոցում քայլող մարդիկ մեր հայրենակիցներն են, նրանց ստիպողաբար են տանում, կոչ ենք անում բոլորին միանալ մեզ՝ ըստ Yerkir.am-ի հայտարարեց ՀՅԴ անդամ Գերասիմ Վարդանյանը Ազատության հրապարակում, որտեղ նախատեսված է Հայրենիքի փրկության շարժման հանրահավաքը։

Գերասիմ Վարդանյանը բարձրախոսով այս հայտարարությունն արեց այն պահին, երբ Ազատության հրապարակին կից՝ Մաշտոցի պողոտայով անցնում էր Նիկոլ Փաշինյանը՝ իր կողմնակիցների երթով։

«Սադրանքների չենք տրվում։ Նիկոլը արյուն է ուզում, մի արեք։ Բարիկադների թե՛ այս կողմում, թե՛ այն կողմում մեր հայրենակիցներն են։ Կոչ ենք անում բոլորին միանալ մեզ»,-ասաց Գերասիմ Վարդանյանը։

Նա արձանագրեց, որ բոլոր մեր հայրենակիցները Սամվել Ալեքսանյանի և Խաչատուր Սուքիասյանի առևտրի կենտրոններից ստիպողաբար են ցույցի տարվել, և բոլորը պետք է միանան Ազատության հրապարակում ազատության պայքարի կերտմանը՝ առանց Նիկոլ Հայաստանի կերտմանը։

Մանրամասն՝ տեսանյութում․