COVID-19-ից մահացությունն աշխարհում մեկ շաբաթում նվազել է 10% -ով. ԱՀԿ

COVID-19-ով վարակվածների թիվն աշխարհում փետրվարի 8-ից 15-ը նվազել է 16%-ով, իսկ, նախորդ շաբաթվա համեմատ, կորոնավիրուսից մահացությունը`10%-ով․ հաղորդվում է Առողջապահության համաշխարհային կազմակերպության (ԱՀԿ) շաբաթական համաճարակաբանական տեղեկագրում:

Նշվում է, որ վարակի նոր դեպքերի մասին հաղորդումների թիվը «շարունակում է նվազել»: Անցած շաբաթվա ընթացքում հայտնաբերվել է կորոնավիրուսային վարակի 2.726.974 դեպք (16%-ով պակաս, քան մեկ շաբաթ առաջ) և 81,340 մահ (10%-ով պակաս):

Վերջին շաբաթվա ընթացքում դեպքերի անկում է գրանցվել Աֆրիկայում (20%-ով), Արևմտյան Խաղաղօվկիանոսյան տարածաշրջանում (20%-ով), Եվրոպայում (18%-ով), ինչպես նաև Ամերիկայում (16%-ով)։ Այս տարածքներում մահացությունը նույնպես նվազել է`համապատասխանաբար 21%, 13%, 19% և 2%-ով: