Սպասվում են ձյան առատ տեղումներ, առանձին հատվածներում՝ բուք. փետրվարի 17-ի եղանակի կանխատեսումը

Փետրվարի 17-ին Շիրակում, Լոռիում, Տավուշում, Արագածոտնի, Կոտայքի, Վայոց ձորի լեռնային գոտիներում, Գեղարքունիքում սպասվում են ձյան առատ տեղումներ, առանձին հատվածներում՝ բուք։ Շիրակում, Արագածոտնում, Կոտայքում, Գեղարքունիքում, Արարատյան դաշտում սպասվում է քամու ուժգնացում՝ պոռթկումները 25-30 մ/վ, իսկ Երևանում՝ 20-25 մ/վ։

Հանրապետության տարածքում փետրվարի 17-ին շրջանների զգալի մասում ժամանակ առ ժամանակ սպասվում են տեղումներ։

Քամին՝ հարավ-արևմտյան՝ 5-10 մ/վ, սպասվում է քամու ուժգնացում` 25-30 մ/վ:

Երևանում փետրվարի 17-ին սպասվում է անձրև և ամպրոպ։

Սպասվում է քամու ուժգնացում՝ 20-25 մ/վ։ Գիշերը կդիտվի +10, ցերեկը՝ +14, երեկոյան՝ +8 աստիճան տաքություն։