Իրանը երկու հզոր կիբերհարձակումներ է ձեռնարկել Իսրայելի դեմ. Haaretz

Վերջին օրերին հաղորդվում է առնվազն երկու լուրջ կիբերհարձակումների մասին իսրայելական ընկերությունների վրա, որոնց հիմքում, ըստ ենթադրությունների, Իրանն է. գրում է իսրայելական Haaretz թերթը դեկտեմբերի 16-ին:

Կիբերտարածության առաջին հարձակումը թիրախավորել է իսրայելական Amital Data ծրագրային ընկերությունը և դրա շուրջ 40 հաճախորդի: Երկրորդը`ընդդեմ Habana Labs-ի՝ պրոցեսորներ արտադրողի, որը ղեկավարվում է Intel-ի կողմից:

Իսրայելում նշել են, որ այս երկու հարձակումների հեղինակները իրանական Pay2Key խմբի հաքերներն են, որոնք «արագորեն հարձակվում են իսրայելական ֆիրմաների վրա»:

Այս ամսվա սկզբին խոշոր կիբերհարձակում էր տեղի ունեցել տասնյակ իսրայելական լոգիստիկ ընկերությունների վրա: Ըստ նախաքննության՝ հնարավոր է, որ հարձակման է ենթարկվել մինչև 20 ընկերություն, թեև ամբողջական ցուցակը դեռ անհայտ է: