Արաբների համար Թուրքիան ավելի մեծ վտանգ է, քան Իրանն ու Իսրայելը. պետք է միավորվել թուրքերի դեմ

1998 թ.-ին լրագրողներից մեկի այն հարցին, թե արդյո՞ք Թուրքիայի ապագա ղեկավար Ռեջեփ Թայիփ Էրդողանը ուղերձներ է հղում՝ բանաստեղծություններ կարդալով հանրային ելույթներում, թե՞ արտասանում է դրանք՝ արվեստի հանդեպ սիրուց դրդված, Էրդողանը պատասխանել էր, որ չկա բանաստեղծություն առանց ուղերձի, և յուրաքանչյուր բանաստեղծություն կարդում է որոշակի ուղերձով. իր ֆեյսբուքյան էջում գրել է արաբ պատմաբան, լրագրող Էլդիբ Ամր Մուհամադը:

«Բանաստեղծությունը, որ Թուրքիայի նախագահը Բաքվում արտասանել է Իրանի մասին, իհարկե, ուներ հստակ ուղերձ: Թուրքիան նախատեսում է ստեղծել Մեծ Թուրան, որն ուղղված է Ռուսաստանի, Չինաստանի, Իրանի, ինչպես նաև Կենտրոնական Ասիայի երկրների նվաճմանը:

Մեզ՝ արաբներիս համար, Էրդողանն ավելի մեծ վտանգ է ներկայացնում, քան Իրանն ու Իսրայելը: Հետևաբար, այսուհետ մենք պետք է համախմբվենք նրա դեմ»,– գրել է արաբ պատմաբանը։