Մանե Գեւորգյանին կարող են հարցաքննության կանչել ԱԱԾ

Միջնորդություն եմ ներկայացրել ՀՀ ԱԱԾ ՀՀ վարչապետի ժ/պ Փաշինյանի մամուլի խոսնակ Մանե Գեւորգյանին հարցաքննության կանչելու մասին։ Այս մասին Facebook-ի իր էջում գրել է փաստաբան Ալեքսանդր Կոչուբաեւը:

Նա, մասնավորապես, նշել է. «Խնդիրն առաջացել է հողերի վաճառքի գիշերը Երեւանում տեղի ունեցած զանգվածային անկարգությունների գործով։ Նշված գործով ՀՀ ԱԱԾ-ն առգրավվել էր ՀՀ կառավարության տեսախցիկների ձայնագրությունները, սակայն ՀՀ ԱԱԾ-ից «ինչ-որ» մեկը դրանք փոխանցել է Մանե Գեւորգյանին, իսկ վերջինս էլ հրապարակել է տեսանութերը։

Այսինքն՝ Մանե Գեւորգյանը «անհասկանալի» ճանապարհով ձեռք է բերել առգրավված տեսաձայնագրությունները, ինչպես նաեւ հրապարակել է նախաքննական գաղտնիքը։ Նշված փաստերը չափազանց կարեւոր նշանակություն ունեն պաշտպանական կողմի համար եւ մենք անպայման հետամուտ ենք լինելու այդ հանգամանքների պարզմանը եւ ՀՀ կառավարական տնից քրեական գործի ուղղորդման բացառմանը։

Հաջորդիվ կանդրադառնամ այդ քրեական գործով տուժող Նիկոլ Փաշինյանի կողմից իր գործը ՀՀ գլխավոր դատախազի, ԲԴԽ որոշ անդամների, որոշ դատարանների նախագահների հետ քննարկելու խնդրին։

Բացահայտելու դեռ շատ բան կա»: