Բաքուն հայտարարել է Ղարաբաղում Թուրքիայի հետ բարձր տեխնոլոգիական պարկի ստեղծման մասին

Ադրբեջանը և Թուրքիան Ղարաբաղում կստեղծեն բարձր տեխնոլոգիական պարկ, համապատասխան հուշագիր է ստորագրվել երկրների միջև. հայտնում է Ադրբեջանի Նորարարությունների գործակալությունը:

«Ղարաբաղը մշտապես եղել է մշակույթի կենտրոն, բանաստեղծների, երաժիշտների և արվեստի գործիչների հայրենիք: Ղարաբաղի վերափոխումը բարձր տեխնոլոգիաների և նորարարությունների տարածաշրջանի կարևոր նշանակություն ունի մեր պետության տնտեսության և առաջընթացի համար: Այդ նպատակով նախատեսվում է Ղարաբաղում բացել տեխնոլոգիական պարկեր և ինովացիոն կենտրոններ: Նորարարության գործակալությունը կատարել է առաջին քայլը այս ճանապարհին՝ Թուրքիայի խոշորագույն արդյունաբերական շրջաններից մեկում գտնվող GOSB տեխնոլոգիական պարկի հետ հուշագիր ստորագրելով, որն աջակցում է 130 տեխնոլոգիական ընկերությունների»,- ասվում է գործակալության հաղորդագրության մեջ:

Նշվում է, որ «հուշագիրը պարունակում է կետեր, որոնք խոսում են երկու կողմերի հետագա համատեղ գործունեության մասին»: