Ադրբեջանում հավատարմագրված արտասահմանյան դիվանագետները այցելել են հանձնված Ակնայի (Աղդամի) շրջան

Շաբաթ օրը Ադրբեջանի իշխանությունները կազմակերպել են հանրապետությունում հավատարմագրված օտարերկրյա դիվանագետների ուղևորություն Աղդամի շրջան, որը, համաձայն Լեռնային Ղարաբաղում ռազմական գործողությունների դադարեցման մասին եռակողմ հայտարարության, նոյեմբերի 20-ին անցել է Բաքվի վերահսկողության տակ: Այս մասին հայտարարել է երկրի նախագահի օգնական Հիքմեթ Հաջիևը:

«Մենք դիվանագիտական կորպուսի ներկայացուցիչների, միջազգային կազմակերպությունների ղեկավարների հետ մեկնում ենք օկուպացիայից ազատագրված Աղդամ», - գրել է նա Twitter-ի իր էջում: Հաջիևը նշել է, որ դիվանագետների հետ միասին այնտեղ է մեկնում «Գարաբաղ» ֆուտբոլային ակումբը:

Նա հավելել է, որ դիվանագիտական կորպուսի ներկայացուցիչները կայցելեն Թերթեր քաղաք, որը լրջորեն վնասվել էր ռազմական գործողությունների ընթացքում։