Քո աչքի առաջ մտնում են Վարդենիս, դու մարդ ես ուղարկում ասուլիսի, համոզում, որ չեն մտել. Դ. Վանյանը՝ Փաշինյանին

Քաղաքագետ Դավիթ Վանյանն իր ֆեյսբուքյան էջում գրում է. 

«Քեզ վեց ամիս պետք չէ: Քեզ վեց ժամ է պետք, ունեցած-չունեցածդ հավաքես, գնաս: Գնաս այն մարդկանց նման, որ տնից դուրս են գալիս, չեն վերադառնում: Դու, ամեն ինչ տապալած Արայիկին փոխում ես, տանում խորհրդական: Դու վախենում ես արսենթորսյաններ փոխես: Քո նոր նշանակած ԱԳ նախարարը մի հայտարարություն է անում՝ առաջին հայտարարությունը, բացարձակ ապուշություն: քո աչքի առաջ մտում են Վարդենիս, դու մարդ ես ուղարկում ասուլիսի, համոզում, որ չեն մտել: Նույնը նախիջևանի դեպքերի ժամանակ էր, հիշու՞մ ես: Ալիևն ասում էր՝ երկու կմ խորացել եմ Հայաստանի վրա, դու ու քո գեներալները համոզում էիք, որ այդպես չէ: Հայ գյուղացուն հայրենազրկում են ադրբեջանցի զինվորի առաջ, դու մի տղամարդ պաշտոնյա չունես, գնա, տերություն անի: Դու չգիտես, թե որտեղ են կանգնած քո զինվորները, քանի գերի կա, քանի անհայտ կորած: Քեզ համար մարդը ոչինչ է, նրանց ցավը՝ անտեղի լիրիկա: Դու բունկերից դուրս ես գալիս ու դիրքերից ետ կանչում «վնգստացող» փնտրողներին: Դու խոսում ես էքսպրոպրիացիայից: Դու, հավի նման, չգիտես, թե ինչ ես ստորագրել: Դու Ձախորդ Փանոսն ու Քաջ նազարն ես՝ միաժամանակ: Քեզ լուրջ չի համարում ոչ մի մարդ, անգամ քո լենանազարյանները: Դու խորտակվում ես, նրանց էլ տանում ես քեզ հետ: Դու այդպես էլ չհասկացար, որ Պուտինի հետ չհամաձայնվելով, դավաճանաբար զոհել ես մարդկանց կյանքերրը, տվել Երկիրը, խարխլել մեր ինքնությունը: Դու, Շուշիի հանձնելու օրը քո էջում գրառում ես անում, թե իբր պայքարում ես այդ ՛՛գորշ՛՛ քաղաքի համար, այնինչ, ռուսական ինքնաթիռները, քեզ հետ պայմանավորված՝ արդեն իջել էին, ռազմական բեռնատարները սահմանին կանգնած: Դեռ շատ բան է պարզվելու: Օրինակ այն, որ դու այս ամենը նախօրոք գիտեիր: Քո բախտը բերել է: Քեզ չեն դատելու: Մարդուն են դատում: Դու արժանի չես պետական դատարանի: