Անասնակեր դու ես կերել, կոնֆետի համար դու ես եղունգներով ասֆալտը քերել․ Գեղամ Նազարյանը՝ Փաշինյանին

«Ճշմարտություն սերունդների համար» նախաձեռնության հիմնադիր Գեղամ Նազարյանը գրում է․

«Ռոբերտ Քոչարյանն արդեն իսկ հայտարարեց, որ Կոնդի կառավարական ամառանոցները տրվելու են մեր զինվորին, մեր զոհված տղերքի ծնողներին։ Այն դառնալու է վերականգնողական կենտրոն։ Ռոբերտ Քոչարյանը հայտարարեց, որ Արցախյան պատերազմի մասնակիցների համար, զոհված տղերքի ծնողների խնդիրների կարգավորման համար ստեղծվելու է նոր նախարարություն՝ վետերանների նախարարություն։

Կապիտուլյանտը, պարտության սիմվոլը բանակի ողնաշարը ջարդելուց հետո, ավելի քան հինգ հազար տղերքին սպանելուց հետո, հիմա էլ շարունակում է բանակի վարկաբեկումը։ Մեկ ասում է, որ մեր տղերքը անասնակեր են կերել, մեկ թե շպրտած կոնֆետի համար գետինը ճանկռելով վազել են։ Անասնակեր դու ես կերել, կոնֆետի համար դու ես եղունգներով ասֆալտը քերել։ Չհամարձակվես այսուհետ բանակին ու մեր տղերքին վիրավորել։ Քիչ մնաց՝ ամեն ինչի համար պատասխան ես տալու»։