ՈւԵՖԱ-ն ցմահ որակազրկել է ադրբեջանցի ֆաշիստին

ՈւԵՖԱ-ն պատժել է ադրբեջանական «Գարաբաղ» ֆուտբոլային ակումբի մամուլի քարտուղար Նուրլան Իբրահիմովին սոցցանցերում հայերին սպանելու կոչերի համար:

«Վերահսկիչ, էթիկայի և կարգապահական մարմինը որոշել է արգելել Գարաբաղի մամուլի պատասխանատու Նուրլան Իբրահիմովին ցմահ զբաղվել ֆուտբոլի հետ կապված որևէ գործողությամբ՝ ժամանակավոր կասեցման օրվանից (2020 թ. Նոյեմբերի 3-ից), պահանջել ՖԻՖԱ-ից ընդլայնել վերը նշված ցմահ արգելքը ամբողջ աշխարհով և Գարաբաղին տուգանել 100,000 եվրոյով»,- ասվում է ՈՒԵՖԱ-ի հայտարարության մեջ:

Հիշեցնենք, որ «Գարաբաղի» ներկայացուցիչ Նուրլան Իբրահիմովը հայտարարել էր, որ «անհրաժեշտ է սպանել բոլոր հայերին՝ կանանց, երեխաներին, ծերերին»: