Ըստ մեր հետախուզության՝ հայերը կհաղթեին Ադրբեջանին լուրջ հակամարտության դեպքում. ՆԱՏՕ-ի գեներալ

Եվրոպայում ՆԱՏՕ-ի դաշնակից ուժերի նախկին գլխավոր հրամանատար Ջեյմս Ստավրիդիսը Bloomberg-ում հրապարակված իր՝ «Կովկասում պատերազմը կներքաշի Թուրքիային և Ռուսաստանին» հոդվածում անդրադարձել է իր պաշտոնավարման ընթացքում Արցախի շուրջ զարգացումներին և հայտարարել, որ, իր գործունեության ընթացքում առկա հետախուզության համաձայն, Արցախում լուրջ հակամարտության դեպքում հայերը կհաղթեին:

«ՆԱՏՕ-ում աշխատելու իմ չորս տարիների ընթացքում ադրբեջանցիները մի շարք անհույս ռազմական հարձակումներ են ձեռնարկել, որոնք հայերը հեշտությամբ կասեցրել են: Մեր հետախուզական գնահատականները ցույց են տվել, որ հայերը գրեթե հաստատ կհաղթեին, եթե լուրջ հակամարտության հասներ գործը: Ռուսաստանի Դաշնությունը զենք էր մատակարարում և մարզում էր երկու կողմերին, և իրականում ռուսները որոշակիորեն հանգստացնող ազդեցություն են ունեցել», - գրում է Ստավրիդիսը: