կարևոր
3949 դիտում, 1 տարի առաջ - 2023-02-13 19:50
Աշխարհ

ԱՄՆ-ի երկնքում գրանցված միջադեպերը ՆԱՏՕ-ի հետախուզության համագործակցության ամրացում են պահանջում․ Սթոլթենբերգ

ԱՄՆ-ի երկնքում գրանցված միջադեպերը ՆԱՏՕ-ի հետախուզության համագործակցության ամրացում են պահանջում․ Սթոլթենբերգ

ԱՄՆ-ի երկնքում օդային օբյեկտների հետ կապված միջադեպերը վկայում են դաշինքի երկրների հետախուզական ծառայությունների միջեւ համագործակցության ամրապնդման անհրաժեշտության մասին, հայտարարել է ՆԱՏՕ-ի գլխավոր քարտուղար Յենս Սթոլթենբերգը։

«Սա վտանգավոր գործունեության մոդել է... Սա ցույց է տալիս հետախուզական գերատեսչությունների միջեւ համագործակցության ուժեղացման անհրաժեշտությունը», - ասել է նա։

Ըստ գլխավոր քարտուղարի՝ սա նաեւ ընդգծում է մեր օդային տարածքի պաշտպանությունն ուժեղացնելու անհրաժեշտությունը ինչպես Հյուսիսային Ամերիկայում, այնպես էլ Եվրոպայում։ «Մենք առաջիկա նախարարական հանդիպմանը (ՆԱՏՕ-ի պաշտպանություն փետրվարի 14-15-ը) կքննարկենք  նաեւ օդային համագործակցությունը՝ ավելի լավ մոնիթորինգ իրականացնելու եւ ՆԱՏՕ-ի օդային տարածքի ցանկացած խախտում հայտնաբերելու նպատակով», - հավելել է նա։

Նրա կարծիքով՝ օդային օբյեկտների հետ կապված միջադեպը վկայում է այս ոլորտում Ռուսաստանի եւ Չինաստանի ակտիվության աճի մասին։