Արարատյան մաքսատանը հագուստի ներմուծմամբ զբաղվող ձեռնարկատերերի հետ հանդիպում կկայանա

Հագուստի ներմուծմամբ զբաղվող ձեռնարկատերերը շարունակում են բողոքի ակցիան Արարատյան մաքսատան առջև:

Ձեռնարկատերերից կազմված մի քանի հոգանոց խումբը քիչ առաջ մուտք գործեց շենք՝  մաքսայինի պատասխանատուի հետ իրենց հուզող հարցերը քննարկելու: Ցուցարարները պահանջեցին, որ հանդիպմանը ներկա լինեն նաև լրագրողները: Մաքսատանը համաձայնեցին այդ պահանջին: Քիչ անց  հանդիպումը կմեկնարկի:

Հիշեցնենք՝ ձեռնարկատերերը բողոքում են ապրանքների մաքսազերծման չափի բարձրացումից, որի արդյունքում ստիպված կլինեն ներկրվող ապրանքի դիմաց մի քանի անգամ ավելի շատ մաքս վճարել:

Առավոտյան ձեռնարկատերերը բողոքի ակցիա էին իրականացրել կառավարության շենքի առջև, որտեղ պահանջում էին հանդիպում կառավարության ներկայացուցչի հետ: Չհասնելով արդյունքի՝ ցուցարարները շարժվեցին դեպի ՊԵԿի շենք, որտեղից էլ նրանց հորդորեցին գնալ Արարատյան մաքսատուն և այնտեղ բարձրացնել իրենց խնդիրները: