կարևոր
3991 դիտում, 1 տարի առաջ - 2023-03-15 15:08
Հասարակություն Քաղաքական

Գյումրիի մաքսատանը ներմուծված ավտոմեքենաների հերթերը հասնում են կիլոմետրերի․ Գառնիկ Դանիելյան

Գյումրիի մաքսատանը ներմուծված ավտոմեքենաների հերթերը հասնում են կիլոմետրերի․ Գառնիկ Դանիելյան

Երեկ ողջ օրը գործընկերներիս հետ Գյումրիի մաքսատանն էի։

Ներմուծված ավտոմեքենաների հերթերը հասնում են կիլոմետրերի՝ քաղաքացիներին պատճառելով անհարմարություններ և նյութական վնասներ։

Ըստ ՊԵԿ-ի՝ ավտոմեքենաների ներմուծումը վերջին շրջանում կտրուկ աճել է․ օրական շուրջ 200 մաքսազերծման գործընթաց է տեղի ունենում։ Միաժամանակ՝ ոչինչ չի ձեռնարկվել այսպիսի իրավիճակում հերթերը կառավարելի դարձնելու ուղղությամբ։

Հաշվի առնելով իրավիճակը՝ առաջարկում ենք

  • Ավելացնել մաքսատան աշխատակիցների քանակը։
  • Հնարավորություն տալ ներկրող ընկերություններին այլ տարածքներում և սեփական միջոցներով իրականացնելու բեռնաթափման գործընթացը։

Ըստ մեր կանխատեսումների՝ առաջիկայում ներկրման ծավալները էլ ավելի են մեծանալու։ Եվ այս տեմպերով շարունակվելու դեպքում փակուղու առաջ ենք կանգնելու։

Մենք հետևողական ենք լինելու, որպեսզի խնդիրը լուծվի սեղմ ժամկետներում, և որ պաշտպանված լինեն ներկրողների իրավունքները։

 

Գառնիկ Դանիելյան

ՀՀ ԱԺ «Հայաստան» խմբակցության պատգամավոր

ՀՅԴ Տավուշի Մարզային կոմիտեի ներկայացուցիչ