Ֆրանսիայում կորոնավիրուսով վարակման դեպքերի թիվը մեկ օրում ավելացել է մոտ 7400-ով

Ֆրանսիայում կորոնավիրուսով վարակման դեպքերի թիվը մեկ օրում ավելացել է մոտ 7400-ով: Սա ռեկորդային ցուցանիշ է մարտից ի վեր: Նախագահ Էմանուել Մակրոնը չի բացառել, որ եւս մեկ անգամ երկրում համատարած «լոքդաուն» կարող է սահմանվել:

Հունգարիան էլ դարձել է Եվրամիության առաջին երկիրը, որը Շենգեն գոտու շրջանակում տեղաշարժի սահմանափակումների մեղմացումից հետո կրկին փակել է սահմանները՝ համավարակի տարածումը կանխելու համար: Սեպտեմբերի 1-ից օտարերկրացիների մուտքը Հունգարիա կարգելվի, եւ այդ սահմանափակումն առնվազն մեկ ամիս կգործի:

Նշենք նաեւ, որ Ադրբեջանում էլ թեեւ մեղմացրել են որոշ սահմանափակումներ, սակայն հատուկ կարանտինային ռեժիմը մեկ ամսով երկարացվել է: