ՌԴ իրավապահների կողմից հետախուզվող քաղաքացին հայտնաբերվել է Սևան քաղաքում

Ոստիկանները հայտնաբերել են ՌԴ իրավապահների կողմից 2015 թվականից հետախուզվող քաղաքացուն։ Այս մասին տեղեկանում ենք ոստիկանության տարածած հաղորդագրությունից։

«Ոստիկանության ՔՈ գլխավոր վարչության, Գեղարքունիքի մարզային վարչության և Սևանի բաժնի ծառայողների համատեղ ձեռնարկած միջոցառումների շնորհիվ օգոստոսի 26-ին Սևան քաղաքի Նաիրյան փողոցից, ինքնությունը պարզելու նպատակով, բաժին է հրավիրվել 31-ամյա Գևորգ Բ.-ն։ Այս մասին տեղեկանում են ոստիկանության պաշտոնական կայքէջից։

«Բաժնում պարզվել է, որ նա 2015 թ. հունվարի 1-ից ՌԴ Ռոստովի մարզի ՆԳԳՎ կողմից հետախուզվում էր ՌԴ քրեական օրենսգրքի 163-րդ հոդվածի (Շորթումը) մեղադրանքով: Խափանման միջոցը՝ կալանք: Հայտնաբերման մասին հայտնվել է հետախուզումը նախաձեռնողին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»,- ասված է հաղորդագրությունում