Քրդերը թուրքական ուղղաթիռ են խոցել

Քրդական Պաշտպանության ժողովրդական ուժերի (HPG) մամուլի ծառայությունը հաղորդագրություն է տարածել, որում մանրամասն ներկայացվում են Իրաքյան Քուրդիստանում պարտիզանական և թուրքական վերջին ռազմական գործողությունները. հայտնում է Fırat գործակալությունը։

Համաձայն հաղորդագրության՝ օգոստոսի 16-ի առավոտյան պարտիզանական խմբերը հարձակվել են թուրքական ուղղաթիռների վրա՝ Զագրոսում գտնվող Չարչել շրջանում: Sikorsky ուղղաթիռներից մեկը ծանր հրետակոծության է ենթարկվել և լուրջ վնասվել: Հաղորդվում է, որ տարածքը լքելուց անմիջապես հետո այն վթարվել է:

Քրդերը խոցել են մեկ այլ ուղղաթիռ, որը օդ է բարձրացել Չարչելի բլուրից: Արդյունավետ հարվածների արդյունքում ուղղաթիռը խիստ վնասվել է և ստիպված է եղել լքել տարածքը: