Չինական կորոնավիրուսի պատվաստանյութը կարժենա 150 դոլար

Չինական դեղագործական «Սինոֆարմ» ձեռնարկության կորոնավիրուսի վարակի դեմ պատվաստանյութը շուկայում կհայտնվի 2020 թվականի դեկտեմբերին՝ մոտ 150 դոլար գնով: Այս մասին հաղորդում է «Սինա» լրատվական գործակալությունը՝ վկայակոչելով կազմակերպության ղեկավար անձանցից Լյու Ցզինչժենի հայտարարությանը:

Ըստ նրա՝ պատվաստանյութերի գրանցումը հնարավոր կլինի սկսել միջազգային կլինիկական փորձարկումների երրորդ փուլի ավարտից հետո:

Նա նշել է, որ Պեկինի կենսաբանների գիտահետազոտական ինստիտուտը տարեկան կարտադրի մինչև 120 միլիոն պատվաստանյութեր, որոնցից Ուհան կենսաբանների ինստիտուտը կվերցնի ևս 100 միլիոն:

Ցզինչժենը նշել է, որ պատվաստանյութի մեկ ներարկմամբ հակամարմիններ են արտադրվում հիվանդների 97%-ում, հաջորդին`գրեթե 100%: