Կորոնավիրուսի դեմ Օքսֆորդի պատվաստանյութը հաջողությամբ անցել է փորձարկման առաջին փուլը

Նոր տիպի կորոնավիրուսի դեմ Օքսֆորդի համալսարանի հետազոտողների կողմից ստեղծված պատվաստանյութը հաջողությամբ անցել է կլինիկական փորձարկումների առաջին փուլը՝ ցուցադրելով արդյունավետության և անվտանգության նշաններ: Այս մասին ասված է բրիտանական The Lancet բժշկական հանդեսում. գրում է «ՏԱՍՍ»-ը:

Պարբերականը տեղեկացնում է, որ պատվաստված անձանց մոտ նկատվել են թեթև կողմնակի բարդություններ՝ թուլության և գլխացավի տեսքով, որոնք մեղմացել են պարացետամոլ ընդունելուց հետո։ 

«Չեզոքացնող հակամարմինները հայտնվել են մասնակցիներից ավելի քան 90 տոկոսի մոտ։ Պատվաստանյութ ստացողների մոտ նույնպես նկատվել է T-լիմֆոցիտների քանակի բարձրացում, որոնց խնդիրն է ախտահարված բջիջների ոչնչացումը։

Երկուշաբթի պարբերականը հրապարակել է նաև պատվաստանյութի կլինիկական փորձարկումների երկրորդ փուլի արդյունքները, որը Ուհանում մշակվել է պրոֆեսոր Վեյ Չենի ղեկավարությամբ հետազոտողների թիմի կողմից:

Երկու դեղն էլ նման են իրար, երկուսն էլ մշակվել են ադենովիրուսի վեկտորի հիման վրա։