Ավստրիան օգոստոսի 1-ից կվերացնի Ռուսաստանից ուղեւորափոխադրումների արգելքը

Ավստրիայի իշխանությունները օգոստոսի 1-ից հանում են Ռուսաստանից եւ մի շարք երկրներից ուղեւորափոխադրումների արգելքը, սակայն մուտքի սահմանափակումներ են սահմանում: Այս մասին հայտնել Է Վիեննայի միջազգային օդանավակայանը, հաղորդում է РИА Новости-ն։

Օգոստոսի 1-ից COVID-19-ի շուրջ անբարենպաստ իրադրությամբ երկրներից Ավստրիա ժամանողներին անհրաժեշտ է կորոնավիրուսի վերաբերյալ բացասական թեստ ներկայացնել եւ գնալ 10-օրյա կարանտին: Բացի Ռուսաստանից, ավստրիական իշխանությունների գնահատականով անբարենպաստ տարածաշրջաններ են համարվում Եգիպտոսը, Ալբանիան, Բանգլադեշը, Բելառուսը, Բոսնիա եւ Հերցեգովինան, Բրազիլիան, Բուլղարիան, Չիլին եւ Էկվադորը: Այս ցուցակում են նաեւ Հնդկաստանը, Ինդոնեզիան, Իրանը, Կոսովոն, Մեքսիկան, Մոլդովան, Նիգերիան, Հյուսիսային Մակեդոնիան, Պակիստանը, Պերուն, Ֆիլիպինները, Պորտուգալիան, Ռումինիան, Շվեդիան, Սենեգալը, Սերբիան, ՀԱՀ-ը, Թուրքիան, Ուկրաինան, ԱՄՆ-ն եւ Չինաստանի Հուբեյ նահանգը:

Չնայած Ռուսաստանի հետ ավիահաղորդակցության արգելքը հանելուն, ավստրիական ավիաընկերությունը Ռուսաստանին չի ներառել օգոստոսի 1-ից վերսկսվող չվերթների ցանկում: