ԱՄՆ-ն կվերացնի Իրանի հետ առևտրում 8 երկրի տված արտոնությունները

ԱՄՆ պետքարտուղար Մայք Պոմպեոն հայտարարել է, որ նախկինում Իրանի նկատմամբ կիրառված` վառելիքի գնման հարցով պատժամիջոցների շրջանակում 8 երկրի տրված արտոնությունները չեն երկարացվելու. հաղորդում է «Անադոլու» գործակալությունը:

Ըստ անգլիական Financial Times պարբերականի` Պոմպեոն մոտ ժամանակներս կհայտարարի, որ 2018 թ. նոյեմբերի 5-ից ուժի մեջ մտած պատժամիջոցների փաթեթով 8 երկրի ( Չինաստան, Հնդկաստան, Ճապոնիա, Հարավային Կորեա, Թայվան, Թուրքիա, Իտալիա, Հունաստան) 180-օրյա ժամկետով  տրված արտոնությունները չեն երկարաձգվի:

ԱՄՆ-ն այս որոշումը կայացրել է Իրանի նկատմամբ տնտեսական ճնշումն էլ ավելի ուժեղացնելու նպատակով: Չինաստանը, Հնդկաստանն ու Թուրքիան համարվում են Իրանի հետ ամենաշատ վառելիքային առևտուր անող երկրները:

Արտոնությունների ժամկետը լրանում է մայիսի 2-ին: