Փոխարժեքներ
04 04 2025
|
||
---|---|---|
USD | ⚊ | $ 391.22 |
EUR | ⚊ | € 431.28 |
RUB | ⚊ | ₽ 4.6282 |
GBP | ⚊ | £ 508.39 |
GEL | ⚊ | ₾ 142.08 |
Լիբանանի խորհրդարանին է ներկայացվել ապրիլ 24-ը՝ որպես Հայոց Ցեղասպանության եւ ասորիների ու քաղդեացիների ջարդերը ոգեկոչելու ազգային օր հռչակելու մասին օրինագիծը:
Լիբանանի Փաղանգավոր կուսակցության պատգամավոր Էլիաս Հանքաշը հայտնել է, որ օրինագծի նպատակն է լիբանանցի երիտասարդների մոտ արթնացնել ցեղասպանության վտանգի եւ մարդկանց իրավունքները հարգելու կարեւորության գիտակցումը:
Օրինագիծը ստորագրել են մի շարք պատգամավորներ, այդ թվում՝ ՀՅԴ Լիբանանի Կենտրոնական կոմիտեի եւ Հայկական պատգամավորական բլոկի ներկայացուցիչ Հակոբ Բագրատունին: Փաղանգավոր կուսակցության ղեկավարը դեռ նախորդ տարվա հունվարին էր այս օրինագիծը քննարկել ՀՅԴ Լիբանանի Կենտրոնական կոմիտեի ներկայացուցիչների հետ: Նա վստահեցրել էր, որ նախագծում կներառվեն նաեւ Հակոբ Բագրատունու առաջարկները: