Իրանը պատրաստ է տարածաշրջանային պետությունների հետ բանակցությունների. Իրանի ԱԳՆ

Հուլիսի 20-ին Իրանի ԱԳՆ խոսնակ Աբբաս Մուսավին հայտարարել է, որ Իրանը պատրաստ է բանակցություններ վարել տարածաշրջանի բոլոր երկրների հետ՝ նշելով, որ վեճերը և թյուրըմբռնումները լուծելու համար այլ ճանապարհ չկա՝ բացի բանակցություններից: Այս մասին հայտնում է իրանական IRNA գործակալությունը:

Ելույթ ունենալով Բաղդադում՝ IRNA- ի հետ բացառիկ հարցազրույցում Մուսավին նշել է, որ Սաուդյան Արաբիայի հետ կապված՝ Իրանի Իսլամական հանրապետությունը հայտարարել է իր սկզբունքային քաղաքականության և ջանքերի մասին, մինչդեռ «դա կախված է Սաուդյան Արաբիայի կառավարությունից և պաշտոնյաներից, թե ինչպես արձագանքել համագործակցության և տարածաշրջանային բանակցությունների պահպանման առաջարկին»:

Պատասխանելով այն հարցին, թե արդյոք Իրանը պատրաստ է բանակցություններ վարել տարածաշրջանային պետությունների հետ տարածաշրջանային խնդիրները լուծելու համար, Մուսավին շեշտեց, որ Թեհրանը միշտ կոչ է արել բանակցություններ վարել տարածաշրջանում խաղաղության, անվտանգության և կայունության հաստատման համար:

«Իրանը հավատում է տարածաշրջանի երկրների հետ բանակցություններին՝ առանց արտաքին միջամտության», - ասել է նա ՝ շեշտելով, որ կայունության և անվտանգության հաստատման, ինչպես նաև տնտեսության զարգացման միակ ճանապարհը տարածաշրջանային համագործակցության և ինտեգրացիայի միջոցով է: