Թուրքիան Հյուսիսային Մակեդոնայից պահանջել է գյուլենականների արտահանձնումը

Հուլիսի 15-ին տեղի ունեցած հեղաշրջման տարեդարձին, Թուրքիան շարունակում է Հյուսիսային Մակեդոնայից պահանջել ԱՄՆ-ում բնակվող թուրք աստվածաբան Ֆեթհուլլահ Գյուլենի 15 կամ 16 (ոչ այնքան հայտնի) հետևորդների արտահանձնումը: Թուրքիայի նախագահ Ռեջեփ Թայիփ Էրդողանի վարչակազմը մեղադրում է Գյուլենին և նրա հետևորդների ենթադրյալ ահաբեկչական կազմակերպությանը հեղաշրջում կազմակերպելու մեջ, որի հետևանքով զոհվել էր 251 մարդ և վիրավորվել 2,200 մարդ:

Ըստ ալբանական Telegrafi լրատվական գործակալության՝ Հյուսիսային Մակեդոնիայի կառավարությունը դեռևս որևէ կոնկրետ քայլ չի ձեռնարկել: Սկոպյեում Թուրքիայի դեսպան Հասան Մեհմեթ Սեքիզքյոքն ընդգծել է, որ FETO-ի գործունեությունը Թուրքիայի սահմաններից դուրս շարունակվում է, և Թուրքիայի Հանրապետության իրավասու մարմինները համագործակցություն են ակնկալում մակեդոնական իշխանություններից:

Սեքիզքյոքը նշեց, որ FETO-ի ներկայացուցիչները ներկայումս գործում են ուսումնական հաստատությունների, ընկերությունների, հասարակությունների և լրատվամիջոցների քողի ներքո:

Մինչ օրս Թուրքիային հաջողվել է «վերադարձնել» Գյուլենի 120 հետևորդ ավելի քան 20 երկրներից։