Քաղաքացիական ավիացիայի կոմիտեն տեղեկություններ է հայտնել առաջիկա չվերթների վերաբերյալ

Քաղաքացիական ավիացիայի կոմիտեն ֆեյսբուքյան պաշտոնական էջում տեղեկություններ է հայտնել առաջիկա չվերթների վերաբերյալ:

«Տեղեկացնում ենք, որ ս. թ. հուլիսի 9-ին կիրականացվի Մոսկվա-Երևան-Մոսկվա չվերթը Sibir ավիաընկերության կողմից (ժամանում 16։25, մեկնում 17։25)։

Ս. թ. հուլիսի 9-ին և 11-ին կիրականացվի Մինսկ-Երևան-Մինսկ չվերթը Belavia ավիաընկերության կողմից (ժամանում 02:45, մեկնում 03:35):

Ս․ թ․ հուլիսի 9-ին կիրականացվի Միներալնիե Վոդի-Երևան չվերթը Aircompany Armenia ընկերության կողմից (ժամանում 15:00):

Ս. թ. հուլիսի 10-ին կիրականացվի Դոնի Ռոստով-Երևան չվերթը Aircompany Armenia ընկերության կողմից ( ժամանում 14:00):

Ս. թ. հուլիսի 10-ին կիրականացվի Կրասնոդար-Երևան չվերթը Aircompany Armenia ընկերության կողմից ( ժամանում 19:45):

Արտերկրից ժամանած ՀՀ քաղաքացիները և ՀՀ տարածք մուտք գործելու իրավունք ստացած օտարերկրյա քաղաքացիները ս.թ. հունիսի 23-ից պարտավորվում են ինքնուրույն կազմակերպել իրենց տեղափոխումը օդանավակայանից և ցամաքային սահմանային անցակետերից դեպի նախանշված ինքնամեկուսացման վայրեր»,- նշվում է հաղորդագրությունում: