Լավ, բայց մարդ ի՞նչ շահ պետք է ունենա, որ համաձայնվի առաջադրվել ՍԴ դատավորի թեկնածու. Արթուր Հովհաննիսյան

ՀՀ Արդարդատության նախարարի նախկին տեղակալ Արթուր Հովհաննիսյանը գրում է.

«ՀՀ քրեական օրենսգիրք

Հոդված 300. Իշխանությունը յուրացնելը

1. Իշխանությունը զավթելը` բռնություն գործադրելու կամ բռնություն գործադրելու սպառնալիքի միջոցով, ինչպես նաեւ Սահմանադրությամբ չնախատեսված այլ եղանակով Հանրապետության Նախագահի, Ազգային ժողովի, կառավարության կամ սահմանադրական դատարանի լիազորություններին տիրանալը`

պատժվում են ազատազրկմամբ` տասից տասնհինգ տարի ժամկետով:

Լավ, բայց մարդ ի՞նչ շահ պետք է ունենա,որ համաձայնվի առաջադրվել ՍԴ դատավորի թեկնածու՝ ունենալով իշխանության յուրացմանը օժանդակելու համար հաջորդ իշխանության օրոք քրեական պատասխանատվության ենթարկվելու մեծ ռիսկ: Այս մարդը առնվազն ՍԴ դատավոր աշխատելիս ստիպված կայացնելու է որոշումներ, որոնցով ապահովվելու է գործող իշխանությունների անփոփոխելիությունը: Բայց դե մենք իբր անկախ ՍԴ ենք կերտում:

PS, հիմա եթե տիկին Գյուլումյանը կամ Աշոտ Խաչատրյանը չեն տեղեկացնում ՍԴ֊ում թափուր հաստիքների մասին, քանի որ չեն կիսում այն դիրքորոշումը, որ առաջացել են թափուր հաստիքներ, ի՞նչ է տեղի ունենալու․․․․ Այո՝ ՍԴ իրական ճգնաժամ: Դրա համար, ՍԴ մասին օրենքում փոփոխություններ կատարելը, միեւնույն է, ակտուալ է»։