Սահակաշվիլին պատմել է Թրամփի հետ Վրաստանում գիշերային ակումբ այցելելու մասին

Ուկրաինայի բարեփոխումների ազգային խորհրդի գործադիր կոմիտեի ղեկավար, Օդեսայի շրջանի նախկին նահանգապետ և Վրաստանի նախկին նախագահ Միխայիլ Սահակաշվիլին պատմել է, թե ինչպես է իր նախագահության օրոք ԱՄՆ նախագահ Դոնալդ Թրամփի հետ գիշերային ակումբ այցելել։ Այս մասին նա պատմել է Youtube-յան «Դմիտրի Գորդոնի մոտ» ծրագրի շրջանակում:

Նա, մասնավորապես, ասել է՝ «Թրամփի համար էլեկտրամոբիլը վարել է մինչև առավոտյան յոթը», բացի այդ նրա հետ ցատկել է «շատրվանների տակ»:

Ըստ Սահակաշվիլիի՝ մի շարք քաղաքական և հասարակական գործիչներ հաճույքով էին այցելում Վրաստան: Օդեսայի շրջանի նախկին նահանգապետն իր հյուրերի թվում նշել է 2016թ.-ին ԱՄՆ նախագահի նախկին թեկնածու Հիլարի Քլինթոնին, ինչպես նաև 2008թ.-ի ԱՄՆ նախագահական ընտրություններում նախագահի նախկին թեկնածու Ջոն Մակքեյնին, որը Թբիլիսի է այցելել «մոտ տասն անգամ»:

Միևնույն ժամանակ, Սահակաշվիլիի վստահեցմամբ, գիշերը նրան այցելել է գործարար Բորիս Բերեզովսկին և խնդրել կազմակերպել իր հարսանիքը մի աղջկա հետ: Քաղաքական գործիչը պարզաբանել է, որ միջոցառումը կազմակերպվել է, բայց մինր այդ հարսնացուն լքել է գործարարին: