Աբխազիայում այսօր սկսվում է նախագահի թեկնածուների առաջադրումը

Աբխազիայում այսօր մեկնարկում է նախաձեռնող խմբերի և կուսակցությունների գրանցումը, ինչպես նաև մարտի 22-ին նշանակված պետության ղեկավարի կրկնակի ընտրություններում նախագահի թեկնածուների առաջադրումը, որը կտևի մինչև փետրվարի 11-ը. ըստ Yerkir.am-ի՝ այս մասին հայտնում է ՏԱՍՍ-ը երկրի Կենտրոնական ընտրական հանձնաժողովի ղեկավար Թամազ Գոգիայի խոսքերին հղումով:

Հիշեցնենք, որ Աբխազիայի ԿԸՀ-ն նախագահի կրկնակի ընտրություններ է նշանակել վարչական իրավախախտումների Գերագույն դատարանի վերաքննիչ կոլեգիայի հունվարի 10-ի որոշման հիման վրա, որը 2019 թվականի սեպտեմբերի 8-ին տեղի ունեցած երկրի ղեկավարի ընտրությունների արդյունքները չի ճանաչել: Ընդդիմության քառօրյա բողոքի ցույցերից հետո երկրի նախագահ Ռաուլ Խաջիմբան դիմում էր գրել պետության ղեկավարի լիազորությունները վայր դնելու մասին, խորհրդարանը հաջորդ օրը ընդունել էր հրաժարականը և նախագահի պաշտոնակատար նշանակել երկրի վարչապետ Վալերիա Բգանբուին: