Մեզ համար անակնկալ չէ Արմեն Սարգսյանի առաջադրումը` որպես նախագահի թեկնածու. Նաիրա Զոհրաբյան

Հայտնել ենք, որ նախագահ Սերժ Սարգսյանը տվել է ՀՀ 4-րդ նախագահի թեկնածուի անունը` Մեծ Բրիտանիայում Հայաստանի արտակարգ և լիազոր դեսպան Արմեն Սարգսյան:

Yerkir.am-ը «Ծառուկյան» խմբակցության պատգամավոր Նաիրա Զոհրաբյանից հետաքրքրվեց` արդյո՞ք կսատարեն Արմեն Սարգսյանին և կընտրեն նրան:

Նա պատասխանեց, որ դա 3 րոպեում լուծվող հարց չէ, և որ սատարելու մասին որոշումը պետք է կայացնի կուսակցությունը: «Երեք րոպեում չէինք կարող նիստ անել և նման կարևոր հարց որոշել, քանի որ ես լուրջ քաղաքական թիմի ներկայացուցիչ եմ, չեմ կարող հայտնել նաև իմ անձնական կարծիքը թեկնածուի մասին»,- ասաց Զոհրաբյանը:

Մեր հարցին` անակնկա՞լ է Արմեն Սարգսյանի առաջադրումը, նա պատասխանեց. «Ոչ, անակնկալ չէ»: