Ֆրանսիայի սահմանները ծայրահեղ դեպքում մինչև հունիսի 15-ը փակ կլինեն. Reuters

Ֆրանսիայի սահմանները ծայրահեղ դեպքում մինչև հունիսի 15-ը փակ կմնան.այս մասին գրում է Reuters-ը՝ վկայակոչելով Ֆրանսիայի ներքին գործերի նախարար Քրիստոֆ Կաստաները հայտարարությունը. հայտնում է Yerkir.am-ը։

Նշվում է՝ մայիսի 11-ին կարանտինի մեղմացումից հետո երկրի սահմանները փակ կմնան մինչեւ հետագա ծանուցում։

Բացի այդ՝ վարչապետ Էդուարդ Ֆիլիպն ասել է՝ երկիրը երկուշաբթի օրվանից, մայիսի 11-ից, կսկսի աստիճանաբար վերացնել սահմանափակումները, սակայն որոշ սահմանափակումներ կպահպանվեն փարիզյան տարածաշրջանում, որտեղ նոր կորոնավիրուսը դեռեւս շրջանառվում է։

«Երկուշաբթի օրվանից մենք աստիճանաբար կհանենք կարանտինը, սակայն երկիրը բաժանվել է երկու մասի՝ վիրուսը որոշ շրջաններում, հատկապես Իլ դե Ֆրանս տարածաշրջանում ավելի արագ է տարածվում»,- մանրամասնել է նա։

Հավելվում է նաև, որ Ֆրանսիայի այլ մասերում միջնակարգ դպրոցները, սրճարանները եւ ռեստորանները կարող են բացվել հունիսի սկզբից, եթե վարակման մակարդակը ցածր մնա։