Լիճքեցի՝ հայ մորթելու տենչ ունեցող ուսուցիչը հրավիրվել է Գեղարքունիքի մարզպետարան` բացատրություններ տալու

Երեկ համացանցն ու մամուլի էջերը ողողվեցին Գեղարքունիքի մարզի Լիճք գյուղի միջնակարգ դպրոցի դաստիարակչական գծով փոխտնօրեն Աշոտ Հոխիկյանի գրառմամբ, որում նա առաջարկում էր «փողով գնել և մորթել» վարչապետի հրաժարականը պահանջողների ընտանիքներին:

Այսօր արդեն Գեղարքունիքի մարզպետարանի կրթության բաժնի ղեկավար Կարեն Զազյանը տեղեկացրեց, որ գրառումն անելուց անմիջապես հետո ձեռնարկվել են համապատասխան միջոցառումներ, իսկ այսօր արդեն հայ մորթելու համախտանիշով տառապող փոխտնօրենը, տնօրենի հետ միասին, հրավիրվել է մարզպետարան` բացատրություններ տալու:

Այս պահին ընթանում է մանկավարժական խորհրդի հեռավար նիստը, որտեղ քննվում է Աշոտ Հոխիկյանի երեկվա անընդունելի պահվածքը: