Վրաստանում արտակարգ դրությունը երկարաձգվել է մինչև մայիսի 22-ը

Վրաստանում կորոնավիրուսի հետևանքով մտցված արտակարգ դրությունը երկարաձգվել է մինչև մայիսի 22-ը։ Այս մասին հայտարարել է երկրի վարչապետի խորհրդական Իրակլի Չիկովանին. հայտնում է «Սպուտնիկի» թուրքական ծառայությունը։

Վրաստանում արտակարգ դրությունը մտվցել էր մարտի 21-ին, իսկ դրանից 10 օր անց մտցվել էր կարանտինային ռեժիմ, ապրիլի 17-ից էլ արգելվել էր թեթև մարդատարների տեղաշարժը։

Որոշումը կգործի երկրի նախագահի համապատասխան հրամանից հետո։ ԱԴ պայմանները խախտելու համար նախատեսվում է 3 հազար լարի (957 դոլար) տուգանք, իսկ իրավաբանական անձանց համար 15 հազար լարի (4.8 հազար դոլար)։

Վրաստանում կորոնավիրուսով վարակման առաջին դեպքը գրանցվել էր փետրվարի 26-ին։ Ապրիլի 22-ի դրությամբ երկրում գրանցվել է 411 դեպք՝ 5 մահվան ելքով։