Իրանում աստիճանաբար բացվում են խանութներն ու առևտրի կենտրոնները

Իրանը երկուշաբթի օրվանից սկսել է բացել միջազգային ավտոմայրուղիները, բացի այդ կորոնավիրուսի հետևանքով մտցված արտակարգ միջոցառումների թուլացման շրջանակում դարձյալ բացվում են խանութներն ու առևտրի կենտրոնները. հայտնում է «Ինտերֆաքսը»։

Բացվել են նաև շուկաները, մասնավորապես Թեհրանի Մեծ շուկան։ Խանութները կգործեն մինչև ժամը 18։00-ն։ Կորոնավիրուսի դեմ պայքարի գլխավոր շտաբի պետ Ալի Ռեզա Զալին հայտարարել է, որ որոշակի ակտիվության վերականգնումը կարող է խթանել կորոնավիրուսի հետագա տարածմանը։

Փակ կմնան ռեստորանները, սպորտային սրահները և այլ հասարակական վայրերը։ Մզկիթներն ու կրոնական այլ հաստատությունները նույնպես չեն վերաբացվի՝ չնայած մուսուլմանական Ռամադան տոնի։

Ապրիլի 21-ի դրությամբ Իրանում գրանցվել է կորոնավիրուսով վարակման 83505 դեպք՝ 5209 մահվան ելքով։