Բրիտանիայի վարչապետն ապաքինումը կշարունակի իր առանձնատանը

Մեծ Բրիտանիայի վարչապետ Բորիս Ջոնսոնն ապրիլի 12-ին դուրս է գրվել հիվանդանոցից. այս մասին նա գրառում է կատարել իր թվիթերյան պաշտոնական միկրոբլոգում՝ նշելով, որ նա ապաքինումը կշարունակի իր Չեքերսում գտնվող առանձնատանը. հայտնում է Yerkir.am-ը։

Նա իր աշխատասենյակից տեսաուղերձի միջոցով շնորհակալություն է հայտնել Մեծ Բրիտանիայի Առողջապահության ազգային ծառայության բուժաշխատողներին իր կյանքը փրկելու համար:

Ինչ վերաբերում է հարցին, թե երբ Ջոնսոնը կվերադառնա աշխատանքի, ապա դեռևս հայտնի չէ:

Հիշեցնենք՝ 55-ամյա Ջոնսոնը հիվանդանոց էր տեղափոխվել անցյալ շաբաթ, ու երեք օր անցկացրել էր ինտենսիվ թերապիայի բաժանմունքում:

Տեսաուղերձն՝ այստեղ.