Կորոնավիրուսային վարակը կշարունակի աշխարհում տարածվել առնվազն մինչև հունիս. համաճարակաբան

Կորոնավիրուսային վարակը կշարունակի աշխարհում տարածվել առնվազն մինչև հունիս՝ կարծիք է հայտնել  չինացի համաճարակաբան Չժուն Նանշանը: Ըստ նրա՝ հարկավոր է ուշադրությունը սևեռել ոչ է Չինաստանում հիվանդության զսպմանը, այլ օտարերկրացիների կողմից վարակի տեղափոխման դեպքերի կանխմանը. ըստ yerkir.am-ի՝ գրում է South China Morning Post պարբերականը:

«Հարկավոր է ուժեղացնել սանիտարական վերահսկողությունը սահմաններին և կարանտինային քաղաքականություն կիրառել համաճարակի տարածման շրջաններից եկածների համար»,- նշել է մասնագետը:

Վերջին տեղեկությունների համաձայն՝ կորոնավիրուսի հետևանք թոքաբորբից Չինաստանում մահացածների թիվը հասել է 3119-ի: Ընդհանուր առմամբ, երկրում 80735 վարակված մարդ կա: