Իտալիայի իշխանությունները փակել են Վենետիկն ու Միլանը

Իտալիայի իշխանությունները կորոնավիրուսի համաճարակի պատճառով որոշել են փակել ամենաշատ այցելուներ ունեցող քաղաքները: Արդեն 11 նահանգում, այդ թվում ՝ Լոմբարդիայում, արգելված են մուտքն ու ելքը: Կարանտինում են նաև զբոսաշրջության այնպիսի խոշոր կենտրոններ, ինչպիսիք են Միլանն ու Վենետիկը. տեղեկացնում է yerkir.am-ը՝ pravda.ru-ին հղումով:

Կարատինի ընթացքում փակ են լինելու դպրոցները և կրթական այլ հաստատություններ, սպորտային ու մշակութային հիմնարկները: Հետաձգվել են նաև ավելի վաղ ծրագրված զանգվածային միջոցառումները: Սրճարաններն ու ռեստորաններն աշխատում են միայն այն պարագայում, եթե կարողանում են ապահովել այցելուների միջև՝ մինչև 1 մետր հեռավորությունը: