Իրավապաշտպան Արսեն Բաբայանը միացել է՝ Լարիսա Ալավերդյանի, Ավետիք Իշխանյանի և Ռուբեն Մելիքյանի հայտարարությանը

Միանում եմ. «Ֆեյսբուքի» իր էջում գրառել է իրավապաշտպան Արսեն Բաբայանը՝ նկատի ունենալով այսօր հրապարակված՝ ՀՀ մարդու իրավունքների առաջին պաշտպան Լարիսա Ալավերդյանի, «Հայաստանի Հելսինկյան կոմիտեի» նախագահ Ավետիք Իշխանյանի և «Իրավական ուղի» ՀԿ նախագահ, իրավաբան Ռուբեն Մելիքյանի հայտարարությանը:

Հիշեցնենք, որ այսօր իրավապաշտպաններ՝ Լարիսա Ալավերդյանը, Ավետիք Իշխանյանը  և Ռուբեն Մելիքյանը հայտարարություն էին տարածել, որում խորը անհանգստություն և խորը մտահոգություն էին հայտնել փետրվարի 6-ին ՀՀ Ազգային ժողովում ծավալված իրադարձություններին և արձանագրել, որ օրենսդիր մարմնի կայացրած՝ հանրաքվե նշանակելու մասին որոշումն ակնհայտ ու անթաքույց խախտում է ՀՀ Սահմանադրությունն ու սահմանադրական օրենսդրությունը։

Հայտարարությունը բաց է իրավաբանների և իրավապաշտպանների միանալու համար։ Ստորագրություններն ամփոփվելու են փետրվարի 8-ին՝ ժամը 17:00-ին և առաջարկվում է ՀՀ-ում գործող հասարակական և քաղաքական կառույցներին Հանրապետության նախագահին դիմել համանման կոչով։